"YARDIM!ET" adlı İanə İdarəetmə Sistemi - Azərbaycan Qızıl Aypara Cəmiyyəti tərəfindən göstərilən humanitar xidmətlər və hüquqi hərəkətlərin rəqəmsallaşdırılması məqsədi ilə yaradılıb. Bu sistemin çərçivəsində HÖP, ASAN PAY, SMS, MilliÖn, eManat, hesab.az, bank kartı və s. kimi vasitələr əsasında ianələrin toplanması və idarəolunması nəzərdə tutulub. Toplanmış ianələr ehtiyaclı insanlara müvafiq humanitar yardımların edilməsinə yönləndirilir və heç bir kommersiya və gəlir məqsədi daşımır.