Sayt vizual olaraq müasir görünüşə malikdir, lakin ümumi struktur və texniki tətbiq baxımından bir sıra çatışmazlıqlar hiss olunur. Resurs əsasən single-page üzərində qurulduğu üçün dərinlik, kontent iyerarxiyası və SEO baxımından xeyli məhdudiyyət yaradır. Axtarış sistemləri üçün ayrıca URL-lərin olmaması, meta strukturların zəifliyi və kontentin bir səhifəyə toplanması optimallaşdırmanı ciddi şəkildə zəiflədir. Xidmət bölməsində ikonların düzülüşündə responsivlik problemi var, bəzi ikonlar aşağı düşür, bəziləri bir sırada qalır və bu, vizual balansı pozur. Sosial şəbəkə ikonlarında YouTube düyməsi mövcuddur, lakin real keçid əlavə edilməyib; əgər YouTube kanalı fəaliyyət göstərmirsə, ikonun saxlanması istifadəçidə yalnış gözlənti yaradır. Ümumi dizayn rəng baxımından qəbulolunandır, lakin ölçülərin və boşluqların adaptasiyası qeyri-bərabərdir. Bu, xüsusilə mobil versiyada daha çox nəzərə çarpır. Kontent yığcam olsa da, bəzi bölmələrdə vizual elementlərin ölçüsü lazımsız dərəcədə böyükdür.

sayt yaxşıdır amma portfolio hissəsi mənə biraz qarışıq gəldi

Məlumatı asanlıqla çatıran saytdır, bəyəndim. Müştəri gözü ilə baxdıqda istədiyim məlumatlar rahat və əlçacandır. Kreativ Agnetlik olduğunu nəzərə alaraq saytda biraz maraqlı animasiyalar və action olsa idi daha gözəl olardı fikrimcə. uğurlar

Slogan yazısı türk dili versiyada ağ fonun üzərinə düşən hissəyə görə oxunaqlı deyil. Türk dili versiyada portfolio hissəsində qeydlərin bəziləri rus dilində yazılıb onu düzəltmək lazımdır. Əlavə qeydləri həmkarlarım bildirəcəkdir deyə düşünürəm. Ümumilikdə isə ideya yaxşıdır bir agentliyin öz portfoliosunu bu şəkildə təqdim etməsi, təqdim etdiyi xidmətlərlə bağlı geniş məlumat yazması üstünlükdür. Saytı daha yaxşı etmək olar. Uğurlar arzu edirəm.